గురజాడవారి ‘కన్యాశుల్కం’లో గిరీశం అగ్నిహోత్రావ ధానులతో ఇలా అంటాడు: ‘‘బుచ్చెమ్మ గారి కేసు విషయమై జబ్బల్పూర్‌ హైకోర్టు తీర్పొహటి మనకి మహాబలంగా వుంది’’ (1909 నాటి రెండో ప్రచురణ: ద్వితీ యాంకం, 3వ స్థలం). 1892 నాటి మొదటి రచనలో కూడా ఇదే సందర్భంలో, ఇదే మాటని ఉటంకించారు. సుమారుగా దశాబ్దంన్నరపైచిలుకు కాలం తరువాత, మార్పులు చేర్పులతో రూపుదిద్దికున్న రెండో కూర్పు సరికొత్త రచన వంటిదే, అని గురజాడవారే స్వయంగా ముందు మాటలో ఉద్ఘాటించారు. అయినా జబ్బల్పూర్‌ హైకోర్టు ప్రసక్తి మాత్రం మార్చలేదు. 

కొంచం చరిత్రలోకి వెళ్తే- జబ్బల్పూర్‌ హైకోర్టు ఇప్పుడున్న సుందర సువిశాలమైన భవనాన్ని రాజా గోకుల్‌ దాస్‌ 1896లో ప్రారంభించి 1899లో పూర్తి చేయించారు. దీన్ని రూపకల్పన చేసిన శిల్పి హెన్రీ ఇర్విన్‌. దాన్లోనే 1936లో బ్రిటిష్‌వారు జబ్బల్పూర్‌ హైకోర్టుని ప్రా రంభించారు. విశాల మైన సెంట్రల్‌ ప్రావిన్స్‌ తాలూకు న్యాయపరమైన అంశాలకు అదే హైకోర్టు కేంద్ర బిందువుగా ఉండేది. స్వాతంత్ర్యానం తరం 1956లో రాష్ట్రాల పునర్వ్యవస్థీకరణ ద్వారా ఒకనాటి ‘మధ్య భారత్‌’ ఇప్పటి ఇండియాలో మధ్యప్రదేశ్‌గా అవత రించింది. అంతపెద్ద భూభాగానికీ హైకోర్టు మాత్రం రాజధాని అయిన భోపాల్‌ గాక, జబ్బల్పూరు లోనే వుంది.  అలా ఒక మహాకవీ, యుగకర్తా తన నాటకంలో ఒక పాత్ర చేత ‘గప్పా’గా, ‘ఠస్సా’గా చెప్పించిన మాట వాస్తవ రూపం ధరించింది.