కథలు చదవడం వల్ల పిల్లల ఊహాశక్తి పెరుగుతుందంటారు. అయితే తెలుగులో అటువంటి బాలసాహిత్యం చాలా తక్కువే వస్తోందని చెప్పాలి. ఆ కొరతను కొంతమేర తీర్చడానికి ‘మంచిపుస్తకం పబ్లిషర్స్‌’ వారు ఏడు పుస్తకాలను వెలువరించారు. 

జానపద కథలలో గొప్ప కల్పన ఉంటుంది. మన జానపద కథలన్నీ పిల్లలకు ఇంట్లో పెద్దవాళ్ల ద్వారానో టీవీలలో కార్టూన్ల రూపంలోనో తెలుస్తూనే ఉంటాయి. కానీ ‘విదేశీ జానపద కథల మాటేమిటి ..?’ అంటే భాషాపరమైన ఇబ్బందుల వల్ల అవి అందరికీ పెద్దగా అందు బాటులో ఉండకపోవచ్చుననే చెప్పాలి. ఎంతో కొంతమేర ఆ కొరత ‘నీలపుదీపం’ ద్వారా తీరుతుంది. సుప్రసిద్ధ సిండ్రెల్లా కథ లాంటి ‘మసిబొగ్గు’, అల్లావుద్దీన్‌ అద్భుతదీపం కథను పోలిన ‘నీలపు దీపం’ వంటి కథలు, మోసగాడైన దొంగపెళ్లికొడుకును తెలివిగా బుద్ధి చెప్పిన పెళ్లికూతురు కథ ‘పాపం! పెళ్లికొడుకు!’ వంటి కథలు పిల్లలకే కాదు పెద్దలకు కూడా ఆసక్తికరంగా ఉంటాయి.

అనువాదం: ఊట్ల కొండయ్య, వెల: రూ. 65,  పేజీలు : 127 

ఈ సంకలనంలోని పాత్రల పేర్లు, ప్రాంతాల పేర్లు విదేశీ పేర్లు కావడంతో పరదేశీ కథల్లా అనిపించినా ప్రేమ, జాలి, హాస్యం వంటి భావనలు ప్రపంచంలో ఎక్కడైనా ఒకేలా ఉంటాయి కాబట్టి భాషాపరంగా పెట్టే ఇబ్బంది పెద్దగా పట్టించుకో దగినది కాదు. ‘ఛెల్మ్‌’ అనే ఊరిలో ఉండే అమాయక ప్రజలు, తమకంటే అమాయకపు గ్రామ పెద్దల చుట్టూ తిరిగే ఈ హాస్య కథలు నవ్విస్తాయి. గ్రామపెద్దల పేర్ల చివర ఎద్దు, గాడిద, దద్దమ్మ వంటి బిరుదులుండడంతో పిల్లలకు ఇవి గిలిగింతలు పెడతాయి.

వెల: రూ. 60, పేజీలు : 112

ఆనందలోకం (జానపద నవల)

ఒక వేసవి రోజు

చిచ్చర పిడుగులు

చిచ్చర పిడుగులు (హకల్‌ బెరీ ఫిన్‌ సాహసాలు) 

వెల: రూ.60, పేజీలు : 110

జతగాళ్లు, కతగాళ్లు