కవిత్వపు నీటిపుట్ట భళ్లున పగిలిపోయింది
‘‘అడవీ/ నువ్వంటే నాకిష్టం/ రేపటి దేశానికి/ ఈనాటి తల్లివి నువ్వు/ రేపటి ఆకాశానికి/ ఈనాడే పూసిన సూర్యపుష్పానివి నువ్వు’’ అంటూ దేశ భవిష్యత్తును కాంక్షించిన అమ్మచెట్టు నిలువునా కూలిపోయింది. కవిత్వపు నీటిపుట్ట భళ్లున పగిలిపోయింది. తుపానుతుమ్మెద తీరం దాటిపోయింది. చివరికి పిట్ట కూడా ఎగిరి పోయింది. శనివారం హైదరాబాద్‌లో తీవ్ర అనారోగ్యంతో కన్నుమూసిన దేవిప్రియ, పైన తన కవిత్వంలో చెప్పిన అన్నీ తనే అయి మౌనంగా వెళ్లిపోయాడు.